Laur davert por la jonëza
Le proiet Laur davert por la jonëza ti vëgn pité a düc i jogn y les jones dai 11 agn insö tratan le tëmp de scora. Tratan les ores de daurida acompagnades, ciafa i jogn y jones dla scora mesana y alta la poscibilité da s’ incunté y passé so tëmp lëde adöm cun compagns. Implü ti vëgnel pité de vigni sort de ativités, olache ai pó se devertí.
Nosc laur cun i jogn
I pitun n post d’incuntada, n post fora dla scora y dla familia, n punt de referimënt y n post de consultaziun.
Les jones y i jogn pó ester bel sciöche ai/ares se sënt y ó ester. Ai ciafa respostes a sües domandes, vëgn daidá y acompagná, al ti vëgn trasmetü valurs y regoles tleres tl sté adöm.
Jogn y jones ciafa la poscibilité da se relazioné danter ëi, da aprofondí amizizies, ai ciafa la poscibilité da fá para, da cöie adöm esperiënzes y – ciodí pa nia – ince da fá val‘ fai.
Porsones arjignades y competëntes acompagnëia chiló tresfora y motivëia i jogn y les jones. Te chestiuns personales éres a desposiziun por dé consëis y daidé.
I orars de daurida
Local di jogn La Val: Mercui, 14:30 - 18:30
Palestra Al Plan: Jöbia, 14:15 - 17:15
NOVITÉ Comun de San Martin: Vigni mertesc dales 14:30 ales 17:30 vëgnel organisé ativités desvalies por mituns y mitans dla scora mesana, vigni edema te n'ater paisc dl comun mo nia ma...
Le program de vigni mëis é da ciafé sön la plata internet y sön i profils social dl Sorvisc ai Jogn.
Por podëi fá para él debojëgn se scrí ite! Les iscriziuns pó gní fates tres telefon ai numeri 345 3717729 (Vanessa) o 342 8410721 (Odette), cina dui dis dan l'mëtman dles ativités
Zënter dla Jonëza y dla Cultura SAJ.UN
Le Zënter dla Jonëza y dla Cultura SaJ.un tla Ciasa dla Cultura a La Ila vën gestí dal Sorvisc ai Jogn Val Badia da jená 2016 incá. Te chësc local, che é davert 3 iadi al edema, vëgnel pité le laur davert por la jonëza. Grups mëmbri dl Sorvisc ai Jogn Val Badia á la poscibilité da s’impresté fora le salf por süa ativité. A desposiziun por l’imprëst vëgnel ince metü le local boulder y en local dles proes.
LOCAL DA BOULDER*
Da isté 2017 él a desposiziun en local „boulder“ taché pro le Zënter dla Jonëza y dla Cultura SaJ.un a La Ila. Sön za. 110 m2 de spersa da arpizé, pó mituns y jogn descurí chësc bel sport.
LOCAL DLES PROES*
Da altonn 2017 pó bands fá söes proes tl local metü a desposiziun tl Zënter dla Jonëza. Chësc é n local punsé dantadöt por i jogn che oress mëte sö en grup, mo che n‘á nia la poscibilité da fá les proes invalgó, mo ince por grups che sona bele da plü di adöm.
*Les condiziuns y le regolamënt, insciö sciöche i prisc por l’imprëst pon damané do t‘ ufize a Picolin o passan te SaJ.un intratan i orars de daurida.
ORARS DE DAURIDA
Mercui, 13:00 - 18:00
Vëndres, 13:00 - 20:00
Sabeda, 16:00 - 21:00
Nüsc Proiec
Che al sides i proiec d’isté o cursc desvalis fora por l’ann, sön nosta plata proiec.org pitunse vigni sort de ativités por jogn y jones mo nia ma.
Por savëi deplü basta druché le botun chiló dessot:
Ütia de Pütia
Na ütia ai pisc dl crëp de Pütia, gestida dal Sorvisc ai Jogn adöm ala cöra de Balsan.
Por prenotaziun y deplü informaziuns jide a ciafé la plata internet dla Ütia de Pütia!