BËGNODÜS
SORVISC AI JOGN VAL BADIA
Le Sorvisc ai Jogn Val Badia é na istituziun por le sostëgn sussidiar ales porsones, ai grups, ales uniuns, ales assoziaziuns y istituziuns che se dá jö cun i mituns y i jogn de nosta valada.
Nosc fin prinzipal é da ti jí adincuntra ai debojügns y ales ghiranzes di mituns y di jogn, ciaran da tó sö vignun cun söes capazites y söa individualité. Por arjunje chësc fin conzepiunse y coordinunse proiec y manifestaziuns por chësc grup de travert.
Le Sorvisc ai Jogn é implü en rapresentant di mituns y di jogn tla sozieté y tla politica.
De nosc raiun de laur fej pert i cinch comuns dla Val Badia: Corvara, Badia, La Val, San Martin y Mareo sciöche ince les ploanies Corvara, Colfosch, San Ciascian, La Ila, Badia, La Val, Rina, San Martin, Antermëia, Lungiarü, Al Plan y La Plí.
Manifestaziuns atuales y proiec
-
Trampolinhalle y Twenty
En sabeda 25 de ma organisunse indô en pice iade a Neumarkt ala “Trampolinhalle Easy Jump” adöm a en per de ores ciamó tl “Twenty” a Balsan.
Düc i interessá (1a mesana cina 5a scora alta) pó se scrí ite dal lönesc 06 de ma, dales 20:00 inant, sön nosta plata web www.proiec.org
Le cost é de 30€ a partezipant.
Chiló dessot ciafëis nosc flyer cun dütes les informaziuns.
-
HEY! - Novité 2024
Cun l’mët man de chësta aisciüda metará l’Sorvisc ai Jogn a jí de vigne sort de ativités y cursc ponsá por jogn y jones dai 16 agn insö!
“HEY!” á inom chësc proiet che incorporará idees y propostes gnüdes diretamënter dala jonëza. Le program y dütes les informaziuns plü avisa gnará publicá tles edemes che gnará sön i social y la plata internet dl Sorvisc ai Jogn.
I scomenciarun le proiet cun en curs de formaziun dla usc (Stimmbildung) adöm ala referënta Ines Tavella y le curs da cujiné "Pici Bocuns" cun Simon Valentini en colaboraziun al Consëi de Formaziun dl Comun de Badia.
Por tó pert a chisc cursc él debojëgn da se scrí ite.
Plü informaziun ciafëis tles grafiches che podëis desćiarié chiló dessot
-
BROSCIÜRA ISTÉ 2024
I sun tan inant! La brosciüra dl isté 2024 é finalmënter te nostes mans!
Chiló podëis desćiarié l’PDF dla brosciüra cun dütes les dates y les informaziuns por les scomenciamënt dles iscriziuns.
Chëstes gnará fates online sön nost plata internet:
www.proiec.orgI daidun recordé che al é debojëgn da atualisé i dac di mituns sön la plata di proiec por evité problems en iade che al gnará fat les iscriziuns
-
Sorvisc de consulënza
Aste debojëgn de sostëgn? Oste baié cun zacai de tü crüzi, problems y conflic personai, te familia, te scora o söl laur?
Ressoluziun di conflic sciöche percurs dal malester al bëgnester, por mioré la cualité de nosta vita.
La consulënza vëgn tignida vigni secunda jöbia dl mëis tl Zënter SaJ.un a La Ila (Ciasa de Cultura, alzada -2) y vigni cuarta jöbia dl mëis tl zënter pedagogich a Piculin (alzada -2, entrada a pert), dales 15:00 ales 19:00.
Sce t’os anuzé chësc sorvisc este perié/periada de tó n apuntamënt cherdan sö Simon Kostner (consulënt positif di conflic zertifiché dala “Deutsche Gesellschaft für Positive Psychotherapie”) al nr. 347/2600727.
Le sorvisc é debann y al vëgn pité la mascima discreziun.
Laur davert por la jonëza
Le proiet Laur davert por la jonëza ti vëgn pité a düc i jogn y les jones dai 11 agn insö tratan le tëmp de scora. Tratan les ores de daurida acompagnades, ciafa i jogn y jones dla scora mesana y alta la poscibilité da s’ incunté y passé so tëmp lëde adöm cun compagns. Implü ti vëgnel pité de vigni sort de ativités, olache ai pó se devertí.
-
Aladô de nosc statut é i cin' comuns y les 12 cöres dla Val Badia nüsc portadús co se sostëgn vigne ann cun so contribut finanziar y moral. Tres i portadus podunse prejenté vigne ann danü en bel program de ativités y manifestaziuns a bëgn de nosta jonëza.
L'ufize dla jonëza ladina dla Provinzia Autonoma da Balsan sostëgn cun finanziamënc nosta ativité aladô dla lege provinziala nr. 13 dai 1.6.1983
-
Te nosc laur da vigni de laorunse tres indo adöm cun tröpes istituziuns por arjunje insciö nüsc fins a bëgn dla jonëza de nosta valada.
Le laur de rëi é dër important y arichësc nosc laur. Da chëstes istituziuns ciafunse ince en contribut finanziar por nosc laur y nüsc proiec.
Chiló dessot ciafeste en valgönes misciuns che podess te ester ütles.
-
Aladô dla lege nr. 124 dai 4.8.2017, art. 125-127 é vigni istituziun obliada da comuniché tres sü portai online, anter jügn de vigni ann, i contribuc publichs, sovenziuns, inciaries paiades, sciöche atri contribuc sura i € 10.000,00 ciafá tl ann denant.
Chiló dessot ciafëste elencá düc nüsc contribuc ciafá ti ultims agn:
-
Chiló dessot ciafeste le statut de nosta organisaziun:
Nüsc Proiec
Che al sides i proiec d’isté o cursc desvalis fora por l’ann, sön nosta plata proiec.org pitunse vigni sort de ativités por jogn y jones mo nia ma.
Por savëi deplü basta druché le botun chiló dessot:
Nosc team!
-
Marco Ellecosta - COORDINADÚ
-
Vanessa Obwegs
-
Samuel Debon
-
Odette Ploner
-
Karlheinz Rubatscher
Volontar
Ütia de Pütia
Na ütia ai pisc dl crëp de Pütia, gestida dal Sorvisc ai Jogn adöm ala cöra de Balsan.
Por prenotaziun y deplü informaziuns jide a ciafé la plata internet dla Ütia de Pütia!